Lei Hoih Tanchinpha Thehdalhna leh Nungjuisiamna (Good Soil Evangelism & Discipleship) in khovel a gindan leh tawndan tuamtuamte kitaaitehna ah Pathian kinepna taangthu soi diingin Khrist nungjuite a thuam hi. Bible thuhilhna a kibulphuh tanchinpha thehdalhna leh nungjuisiamna tungtawnin natohna a zat theih diing ka bawl va huleh ka hawmkhia uhi. Good Soil E (Evangelism) & D (Discipleship) chu haichitang leh lei tehkhinthu apat a min kiladoh ahi. Haichitang chu tanchinpha thu ahi. Hizongleh Jesu’n bangchibangin “lei hoih” a hilhchian ei? Matthai, Mark, leh Luk in thuteng tuamtuam thumte zangin “lei hoih” tehkhinthu a zang hi.
“Hizongleh lei hoih tunga tupa in chu thu chu aja a, a hesiam* pah hi.”
*hesiam [Grik: suniemi] umzia chu lungsim a heetna, a kima theisiam, ahihlouhleh a malmala thudihte umzenei khat a tuahkhawm chihna ahi.
“Hizongleh lei hoih a chi kitheh chu hite ahi uhi: thu chu jain a pom* va,…”
*pom [Greek: paradechomai] umzia chu kihongtaha pom, kipaahpih, ahihlouhleh pomkip” chihna ahi.
“Hizongleh lei hoih a tute chu hichibangte ahi uhi: lungtang siangthou leh hoih in thu chu a ja va, a keem* va…”
*Keem [Greek: katecho] umzia chu bangakhat tuhdoh ahihlouhna diinga dettaha man chihna ahi.
Good Soil E&D in pilvangtaha a tup chu nna a tohsahte uh kawmah tanchinpha chu chiantaha hesiam a, dihtaha pomkip a, huleh dettaha a tuuh diing uh chih ahi.
Bible leh Khristian ginna thu neucha he ahihlouhleh he mawngmawng lou gingloumi khat kawma tanchinpha soi ahih chiangin, a khovel muhdan in thuteng leh ngaihdan kizangte heetsiamlouhna a tun thei tham hi. Tanchinpha thehdalhna a “a khovel muhna” uh khoih phaah ahih theihna diingin Bible thudih poimohte hilhchian a poimoh hi. Hizongleh hu thudihte heetsiamna diingin Bible pumpi a tatdohna taangthu a baanbaan a zil a kuul hi.
Kinepna Taangthu chu Bible a tatdohna taangthu loupitah thu soina diingin minit sawmlengaa veela tom ahihlouhleh daahkaal sawmnih ahihlouhleh hu sanga tamzaw a ahun hen limdang theiha (suhtom leh suhsau theih) zat zaangkhai lehkhabu ahi. Tanchinpha toh kisai Bible zilna diinga siam ahi a, khat-le-khat ahihlouhleh pawl neu bang, huleh gingtute a diinga Pathian tatdohna tohguan kihilhna diingin zong a phatuam hi. Bible taangthu 40 lam a um hi (Thuhun Lui ah 20 leh Thuhun Thah ah 20) huleh Bible mapte ahi.
Simte haam a kibawl Kinepna Taangthu order in.
Hagau mangthai matna (Tanchinphasoina) a Pathian–mihing a pankhawm mahbangin, nungjuituhihna ah zong ahi. Pathian in a venbit jiahin gingtu dihtahte chu Jesu Khrist nungjuite bangin ginna ah a thuaah mualsuaah diing uhi. Hizongleh, Pathian in “nungjui siam” diingin ahung teel chu thudih ahi.
Kipaahna Lampi ahihleh zilmun poimoh sawmte tungtawna gingthahte nungjuihna thubul kizilsahna ahi a, Pathian tatdohna siltup kituunkhawm a, Hinna diinga Leilawn Kigualkhia, bitna leh muanngamna, Bible, haamteina, Hagau Siangthou, mimal sianthouna, heetpihtuhihna, tualsung kouhtuam, huleh gingtu hinkhua a Pathian tohguan a huam hi. Hi lehkhabu chin in lehkhapeeh khauha kibawl Bible changvom leh ni a bung khat jel a sim theih diing Bible simna tohguan zong a telh hi.
A lamkai a diinga Bible a kibulphuhna zilna lehkhabu, huchu tanchinphasoi puma nungjuihna zilna diing tuppen ahi. Khat-le-khat nungjuihna kizilsahna a zat diing ahi. Ahiin, gingthahte a diinga kizilsahna diingin zong a zat theih diing hi. Zilmun sawm a um a huleh hu zilmunte toh kituaah lehkhapeeh khauha kibawl Bible changvom zong a um hi.
Bangahiai heet behlap nuam ahihlouhleh vanzatte order nuamte a diingin, hi mail ah hung kiheetsah theih ahi diing hi: Simte@GoodSoil.com.
Zat theih diing dangte chu hi website tungtawnin a et theih diing hi: GoodSoil.com/Resources.
Join Our Mailing List
Get notices for new products, resources, and training events.
Set your country and language
We will add support for new countries and languages in the future.
